WENYEVITI WA VIJIJI NA VITONGOJI WAENDELEA KUPATA MAFUNZO

Posted on: February 4th, 2025

Wenyeviti wa Vijiji na Vitongoji wameendelea kupata  mafunzo ya namna ya uendeshaji wa shuhuli za Serikali za Mitaa  leo Febuari 04,2025 katika Kata ya Mima,Berege,Iwondo na Chitemo.

Lengo kuu la mafunzo hayo ni kuwapa uwezo Viongozi hao katika utekelezaji wao wa majukumu ya Kiuongozi katika Kata zao.

Halikadhalika Afisa Utawala Bora Wilaya Bw.Thomasi Magari ameelezea muundo wa kamati za Halmashauri ya Kijiji na majukumu yake pamoja na kazi ya kila Kamati na kutoa msisitizo kwa viongozi kuzingatia kuitisha kwa mikutano ya kila robo ili iweze kusaidia utoaji ŵa maamuzi wakati wanapofanya  Mkutano mkuu.

 Hata hivyo  Bw.Magari  amewataka Viongozi wa Vijiji na Vitongoji  wawe wanashirikiana katika upangaji wao ili waweze  kufanikisha usimamizi mzuri wa  mipango ya miradi, kutambua takwimu sahihi za vijiji na vitongoji vyao pamoja na  kujikita zaidi katika uanzilishi wa Miradi ya kimaendeleo.

Nae Mwanasheria wa Wilaya Bi Martina amewafafanua  sheria mbali mbali ndogo ambazo wanaweza kuzitumia kama vyanzo vya kuingizia  mapato katika vijiji vyao huku akiwataka pindi wanapozitunga sheria hizo zinapitishwa katika Mkutano mkuu na kuzileta wilayani ili ziweze kupitiwa na mwanasheria,na mwisho  kupitishwa kwenye baraza la Madiwani.