Mamlaka ya Mji Mdogo wa Mpwapwa

Mamlaka ya Mji Mdogo wa  Mpwapwa

Mamlaka ya Mji Mdogo Mpwapwa ilitangazwa rasmi 2004 na kupewa cheti “Certificate of Establishment” mwaka 2006 na kisheria ikawa “Board of Corporate”  ikimaanisha kuwa Mamlaka inaweza kumiliki mali inayohamishika na isiyohamishika, inaweza kushtaki au kushitakiwa.

Mamlaka inaundwa na kata moja(1) ya Mpwapwa Mjini ambayo inakadiriwa kuwa na wakazi wapatao 21,403 kati yao wanawake ni 11,129 na wanaume 10,204 kutokana na Sensa ya mwaka 2012 Kata ya Mpwapwa Mjini ina jumla ya  Vitongoji kumi na nane (18) vya  Igovu, Ng’ambo, National Housing, Kota, Majengo,   Ilolo,  Mbuyuni,  Kwamdyanga, Mapinduzi,  Kikombo,  Mwanakianga kati,  Mwanakianga kusini,  Ubenani,  Mjini  Mpwapwa, Mikoroshini, Makweja,  Ibulila.

Muundo wa Mamlaka ya Mji.

Muundo wa Mamlaka ya mji mdogo kama ifuatavyo:-

• Mwenyekiti  wa mamlaka aliyechaguliwa miongoni mwa  wenyeviti  wa vitongoji
• Wenyeviti wa vitongoji vilivyomo katika eneo la Mamlaka .
• Wajumbe walioteuliwa na Halmashauri wasiozidi watatu .
• Mbunge wa  jimbo la Mpwapwa .
• Wajumbe viti maalum 5
• Afisa Mtendaji wa Mji Mdogo

VIKAO VYA MAMLAKA:

Mamlaka inakuwa na vikao vya aina nne(4);

• Vikao vya Vitongoji.
• Vikao vya Maendeleo ya Kata (WDC)
• Vikao vya Kamati za Mamlaka.
• Vikao vya Baraza la Mamlaka.

KAMATI ZA KUDUMU ZA MAMLAKA YA MJI MDOGO

• Kamati ya Fedha ,Utawala na Mipango
• Kamati ya Huduma za Jamii
• Kamati ya Uchumi,Ujenzi na Mazingira

Maslahi ya Wajumbe wa Baraza la Mamlaka:

Maslahi ya Wajumbe wa Baraza la Mamlaka hayana tofauti na wale wa Halmashauri ila huangaliwa na uwezo wa Mamlaka kuhudumia vikao hivyo kulingana na uwezo wa mapato yake.

• Shughuli za Mamlaka:
• Kwa kipindi kirefu mamlaka toka ianzishwe imekuwa ikilegalega kutokana na kutokuwa na ofisi, vitendea kazi, watumishi na vyanzo vya mapato na kutofanya vikao vyake vya kisheria.
• Kwa sasa mamlaka imeanza kuimarika na kufanya yafuatayo;
• Mamlaka ina mtendaji Mkuu na pia inawatumishi wa Idara mbalimbali 8 ambao wamepewa barua za kuhamia Mamlaka ya mji Mdogo.
• Mamlaka imeanza kufanya vikao vyake vya kisheria
• Kuna mashine za kielektronic tano kwa ajili ya kukusanyia Mapato.
• Kusimamia usafi wa mazingira.