Education

 Elimu Sekondari

Wilaya  ina jumla ya Shule   za Sekondari 26 zenye jumla ya wanafunzi 8,405 na walimu 362 Kati ya shule hizo, 24 ni za Serikali na kuna Shule 2 za watu  binafsi ambazo husomesha wanafunzi waliokosa nafasi katika Shule za sekondari za serikali.

Idara ya Elimu Sekondari ni moja kati ya Idara kumi na tatu (13) za Halmashauri ya Wilaya ya Mpwapwa. Idara ya Elimu Sekondari ina jumla ya  vitengo viwili ambavyo ni Kitengo cha Taaluma na Kitengo cha Vifaa na Takwimu. Aidha Idara ina jumla ya watumishi 443 ambapo watatu kati yao ni Maafisa katika Idara.Takwimu halisi za watumishi hawa ni kama ifuatavyo:-

ORODHA YA WATUMISHI WA IDARA YA ELIMU SEKONDARI

Idara inatekeleza majukumu yake kwa kuzingatia Dira ya Halmashauri ya Wilaya ya Mpwapwa ya kuwa Taasisi inayomjali mteja katika utoaji wa huduma kwa ajili ya maendeleo endelevu ifikapo 2025  na Mwelekeo wa kuwapatia wananchi wake huduma bora za kiuchumi na kijamii kwa kuzingatia misingi ya utawala bora.

Hivyo Lengo kuu la Idara yetu ni kusimamia utoaji wa Elimu bora katika Halmashauri.

Majukumu ya Idara

Kitengo cha Taaluma

Majukumu ya kitengo cha Taaluma ni kama ifuatavyo-:

1. kufuatilia na kusimamia utekelezaji wa taarifa za ukaguzi wa shule za sekondari.
2. kuratibu na kusimamia mitihani ya kitaifa inayoendeshwa kwa shule za sekondari  katika halmashauri .
3. kubuni mipango  ya mitihani  ya elimu ya sekondari na kusimamia utekelezaji wake
4. kuhakikisha kuwa walimu na watumishi wengine wa shule za sekondari wanafanyiwa tathimini ya wazi ya utendaji kazi open performance review and appraisal system-opras.
5. Kubuni na kuratibu mipango ya mafunzo kazini  kwa walimu na watumishi wengine  kwa shule za sekondari
6. Kuratibu  mashindano ya michezo na taaluma ya shule za sekondari katika halmashauri .
7. Kuhakikisha walimu wa shule za sekondari  wanapangwa katika shule  kwa kuzingatia ikama inayokubalika
8. Kusimamia kikamilifu  suala  la ufundishaji kwa kuhakikisha kuwa  walimu wantimiza majukumu yao ipasavyo.

 Kitengo cha Vifaa na Takwimu

Kitengo hiki kina majukumu yafuatayo;

• Kuratibu, Kukusanya na kuchambua takwimu za Elimu ya Sekondari Katika Halmashauri
• Kusimamia na kufuatilia ukarabati ,upanuzi na ujenzi wa shule za Sekondari
• Kufanya Makisio ya mahitaji ya walimu kimadaraja na kimasomo
• Kuagiza na kusambaza vifaa vya Shule kufuatana na mahitaji ya shule
• Kufuatilia mapato na matumizi ya fedha katika shule za Sekondari
• Kufuatilia utekelezaji wa utoaji huduma mbalimbali kwa wanafunzi
• Kufanya kazi nyingine zitakazotolewa na Mkurugenzi wa Halmashauri au Afisa Elimu wa Sekondari wa Halmashauri.

Malengo ya Idara kwa Mwaka wa fedha 2017

Kwa mwaka wa fedha 2017  Idara ilijiwekea malengo yafuatayo;

 Kitengo cha Vifaa na Takwimu.

• Kusimamia ujenzi wa vyumba 4 vya madarasa katika shule ya sekondari Mbuga na Mima chini ya Mpango wa Maendeleo ya Sekondari (SEDEP II) ifikapo Juni 2017.
• Kusimamia Ukamilishaji wa vyumba 4 vya madarasa katika shule ya sekondari ya Matomondo ifikapo 2017
• Kusimamia Ujenzi wa matundu 24 ya vyoo katika shule ya sekondari Matomondo, Mbuga na Mima ifikapo Juni 2017.
• Kusimamia Ujenzi wa nyumba 2 za Walimu katika shule ya sekondari Matomondo na Mbuga ifikapo Juni 2017.
• Kusimamia ukarabati mdogomdogo katika majengo ya shule ifikapo Juni 30,2017

Malengo kwa mwaka wa fedha 2016/2017

• Kitengo cha Taaluma
• Kusimamia na kutembelea shule zote 26 za sekondari hadi ifikapo juni 2017 mara kwa mara kuhakikisha watahiniwa wanaandaliwa kikamilifu,ikiwemo kuweka kambi kuanzia mwezi aprili 2017.
• Kuhakikisha wanafunzi wanahudhuria shuleni na wanafanya majaribio ya marakwa mara,na pia kupunguza utoro kwa asilimia 80% hadi ifikapo juni 2017.
• Kuendesha mitihani ya majaribio ya mara kwa mara,kufanyika PRE MOKO NA PRE NATIONAL, kwa kidato cha pili na cha nne kabla ya septemba 2017.
• Kumaliza mada zote za masomo kabla ya Oktoba mwaka huu.
• Kuratibu maendeleo ya mwanafunzi mmojammoja  kwa kutumia fomu maalumu ya individual progress report,itakayo tumika pia kuwagawa wanafunzi katika makundi mbalimbali na kuwatumbua wanafunzi dhaifu ili  kuweza kuwaandalia maandalizi maalumu,hadi juni 2017.
• Kuchukua  hatua kwa walimu wazembe watakaobainika kutokwenda na kasi ifikapo juni 2017.
• Kuwepo na remedial classes kwa kidato cha Nne na cha pili hadi septemba 2017.
• NB. Hatua za kinidhamu zimeanza kuchukuliwa kwa walimu wazembe.Walimu sita wa Ihala sekondari wameandikiwa barua za onyo kwa kosa la kuchelewa kazini na kutokuwa na maandalizi ya utendaji kazi.

 Kitengo cha Vifaa na Takwimu

• Kusimamia Ukamilishaji wa vyumba 4 vya madarasa katika shule ya sekondari Mbuga na Mima chini ya Mpango wa Maendeleo ya Sekondari (SEDEP II) ifikapo Juni 2017.
• Kusimamia Ukamilishaji ukarabati wa vyumba 4 vya madarasa katika shule ya sekondari ya Matomondo ifikapo Juni 2017
• Kusimamia Ukamilishaji wa matundu 24 ya vyoo katika shule ya sekondari Matomondo, Mbuga na Mima ifikapo Juni 2016.
• Kusimamia Ukamilishaji wa nyumba 2 za Walimu katika shule ya sekondari Matomondo na Mbuga ifikapo Juni 2016.
• Kusimamia Kufanya ukarabati mdogomdogo katika majengo ya shule ifikapo Juni,2017
• Kusimamia matumizi bora ya fedha shuleni

MPANGO KAZI WA IDARA

    HALI  YA UFAULU

Katika  matokeo ya mtihani wa taifa kwa kidato cha nnne mwaka 2016 . Asilimia 60% ya watahiniwa  wamefaulu mtihani huo kwa daraji la kwanza hadi la nne kati ya watahiniwa 1539 waliofanya mtihani huo.Aidha ufaulu huu ni sawa na ongezeko la asilimia 11.76 ukilinganisha na 48.24 % ya wanafunzi waliofaulu mwaka jana kati ya watahiniwa 1565 waliofanya mtihani.

Aidha kidato  cha pili  93% ya wanafunzi wote 1757  waliofanya mtihani wa upimaji wa kitaifa  wamefaulu kuendelea na kidato cha tatu ,ukilinganisha na asilimia 91.3% ya wanafunzi 1506 waliofanya mtihani mwaka jana 2015.

Ufaulu huu umetokana na mikakati iliyowekwa na kitengo cha taaluma kwa mwaka jana ikiwemo kusimamia ufundishaji, na mitihani ya mara kwa mara ya kuwapima watahiniwa wa kidato cha pili na cha Nne.

Kiambatanisho A na B vinaonesha matokeo ya mitihani ya kitaifa kwa miaka sita kwa kidato cha pili na Nne toka 2011 hadi sasa.

 Vitendea Kazi.

Pamoja na upungufu wa vitendea    idara inavyo vitendea kazi kama ilivyoorodheshwa katika jedwali hapo chini;

Miundombinu

Vifaa vilivyopo havitoshi na hivyo vinaathiri sana utekelezaji wa majukumu, na vilivyopo vimeshakuwa vya muda mrefu na hivyo kuhitaji matengenezo ya mara kwa mara, Idara imeweka katika mpango wa bajeti ya 2017/2018 kununua vifaa vya ofisi.

MAJUKUMU  YALIYOTEKELEZWA HADI SASA.

Kumekuwepo na zoezi la ukaguzi wa shule  kuanzia January mwaka huu na tayari  shule kumi na mbili  kati ya shule 25 za serikali zimefanyiwa ukaguzi yakinifu wa kitaaluma. Shule hizo ni Mazae,Mwanakianga,Vingawe,Mpwapwa,Mount igovu,Ihala,Chunyu,Kibakwe,Pwaga,Mtera,Chipogoro na Matomondo.

Aidha kaguzi huu uliwahusisha Maafisa wote Idara ya Elimu Sekondari,Katibu wa TSD Wilaya  na  mdhibiti Ubora wa Shule kutoka Idara ya Udhibiti Ubora Wilaya.

Lengo la ziara hizi ni kusimamia Taaluma, nakuwajengea uwezo walimu juu ya mbinu mbalimbali za ufundishaji.

Ukaguzi huu unaendelea  katika kuhakikisha kuwa shule zote zinakaguliwa.Shuguli zilizofanywa na idara kutoka januari hadi sasa ni kama ifuatavyo-:

• Tathimini ya matokeo ya mitihani  ya kitaifa kwa kidato cha pili na cha nne kwa mwaka 2016. Aidha  Kila shule imeagizwa kufanya tathimini ya matokeo ya mitihani, ili kubaini sababu za ufaulu duni wa wanafunzi kwa mitihani ya kitaifa iliyofanyika mwaka jana .
• Tathimini hii imefenyika kwa kila idara ,kwa idara za masomo yote  kwa   shule kumi na mbili zilizokaguliwa hadi sasa ,  sababu za ufulu duni zilizobainika katika shule hizi ni  -:
• -Maandalizi duni ya watahiniwa,kwa kukosa mitihani ya mara kwa mara ya ndani -Baadhi ya walimu     kuchelewa kumaliza mada  za masomo kwa wakati  hivyo  kutofanyika kwa marudio.
• Wanafunzi wengi kutoshiriki mitihani ya majaribio.
• Utoro sugu na wareja reja  Kwa wanafunzi.
• Kutokuwepo kwa  mkakati wa ufaulishaji kwa shule nyingi.
• Mikakati iliyopo katika baadhi ya shule kutokutekelezwa.
• Uzembe wa baadhi ya walimu kuchelewa kazini na  kutowajibika ipasavyo.
• Bodi za shule kukosa mipango na mikakati ya kusimamia shule.
• Ushirikiano duni wa wazazi kwa shule .
• Wanafunzi kutokuwa na notes.
• Wanafunzi wengi kuishi mbali na shule.
• Katika kuhakikisha ufaulu unapanda zaidi  mwaka huu Idara katika idara ya Elimu Sekondari kimebuni mitihani mbalimbali ya kuwaandaa wanafunzi kwa kipindi cha mwaka huu. 
• Mitihani ya PRE-NATIONAL iliyofanyika septemba mwaka jana kwa kidato cha nne, ilisaidia sana katika kuongeza ufaulu.
• Aidha  kwa mwaka  huu utafanyika mtihani wa PRE-MOKO,na PRE –national  Kwa vidato vya pili na nne ikiwa ni moja ya mkakati wa kuinua ufaulu,pia  tutakua na mitihani ya ujirani mwema ,sambamba na  mpango wa kuomba kibali cha wanafunzi kuchangia mitihani hii ya kujipima.

Jedwali Na 11: Hali ya miundombinu shule za Sekondari Januari, 2016

Suma Mwampulo- Mkuuwa Idara