Ardhi na Maliasili

ARDHI NA MALIASILI

Utekelezwaji wa majukumu ya Idara ya Ardhi na Maliasili kwa sehemu kubwa unaongozwa na Sera, Sheria , Kanuni, miongozo na maagizo mbalimbali ya kiserikali.  Sera hizo ni pamoja na Sera ya Taifa ya Ardhi ya mwaka 1995 pamoja na sheria zake, Sheria  Namba 4 na 5 ya mwaka 1999, Sheria ya Mipango ya Matumizi Bora ya Ardhi  ya mwaka 200, Sheria ya Mipango miji ya Mwaka 2007. Sekta ya Misitu inaongozwa na Sera ya Taifa yaMisitu ya Mwaka 1998 na sheria yake Na. 14 ya Mwaka 2002 Sekta ya Wanyamapori inaongozwa na Sera ya Wanyamapori ya Mwaka 2007 na sheria yake Namba 5 ya Mwaka 2009 Aidha Idara inatumia Sera na Sheria zingine Mtambuka zinazotumika nchini zinazohusu masuala ya Ardhi na Maliasili.

Hivyo idara iantekeleza majukumu yake katika maeneo makuu mawili ambayo ni usimamizi wa maenedeleo ya ardhi na Maliasili. Utekelezaji wa shughuli hizo unafanyika kupitia vitengo vifuatavyo;

Ardhi Utawala

Kitengo hiki hufanya utekelezaji wa zoezi la kuandaa miliki za viwanja na mashamba yaliyopimwa,kuandaa vyeti vya ardhi vya vijiji, kutatua  migogoro mbalimbali inayotokea miongoni mwa makundi yanayotumia Ardhi, kukusanya kodi ya Ardhi, kutunza kumbukumbu za miliki na  kutekeleza miamala mbalimbali ya ardhi kama vile kutengua miliki na kuhamisha miliki.

Upimaji na Ramani

 Kitengo hiki hushughulika na upimaji wa viwanja na mashamba, upimaji wa vijiji, upimaji wa maeneo mbalimbali kutokana na maelekezo ya kiserikali na uwekaji wa alama za rejea za upimaji.

 Mipango Miji.

 Kitengo hiki hushughulikia uandaaji wa mipango ya miji na vijiji, mipango hii hujumuisha;

• Mipango ya Jumla(General Plans) ambayo ni Mpango Kabambe (Master Plan) na Mipango ya Kati(Interim Land Use Plans).
• Mipango ya kina (Detailed Plans)
• Mipango ya uhuishaji wa maeneo chakavu ya miji (Urban Renewal Schemes).
• Mipango ya upangaji makazi holela (Regulalization Schemes)
• Mipango ya Matumizi Bora ya Ardhi (Vijiji, Wilaya, Kanda, Taifa).

  Misitu.

Kitengo hiki kinashughulika na uhifadhi wa misitu, uendelezaji wa misitu na matumizi endelevu ya misitu na ukusanyaji wa maduhuli yatokanayo na mazao ya misitu. Wilaya  ya Mpwapwa ina hifadhi 3 za Misitu ya Serikali, Hifadhi hizo ni pamoja naMafene, Wotta na Mang’aliza.

Pia kwa sasa Wilaya inapendekeza msitu wa Kiboriani kuwa Hifadhi ya  Msitu wa serikali.  Aidha kuna misitu ambayo ipo chini ya vijiji vilivyopimwa nayo ni; Mwenzele, Mwanawota, Rufu, Rufusi,Mima, Iyenge, Bumila, Tambi, Mbori, Mbuga,Galigali,Matonya, Lwihomelo, Kizi,Kingiti, Kati ya misitu hiyo misitu ya PFM ni saba na ambayo imetokana na Mpango wa matumiazi bora ya Ardhi (Land use plans)   ni misitu sita, Misitu  miwili ni ya kawaida

 Wanyama Pori

Kitengo hiki hushughulika na hifadhi ya wanyapori, uemdelezaji, na ukusanyaji wa maduhuli ya serikali yatokanayo na wanyamapori.  Wilaya ya Mpwapwa ina pori tengefu moja ambalo ni Rudi (Rudi Game Controlled Reserve) ukubwa wa eneo ni hilo ni Hekta 136,450. Aidha pori hili lina hifadhi ya  wanyama mbalimbali kama fisi,swala,na digidigi,   wanyama wengine kama tembo huja na kuondoka.

  Nyuki

Kitengo  hiki hushughulika na zoezi la maendeleo ya ufugaji wa nyuki na uvunaji wa asli n anta. Katika Wilaya ya Mpwapwa shughuli za hizo zinafanyika  katika    

 Vikundi 41 na Mwananchi mmoja mmoja, Wilaya ina jukumu la kusimamia ufugaji nyuki katika vikundi     na wananchi kwa ujumla.          

 Uthamini

Kitengo hiki hushughulika na  uthamini wa malengo mbalimbali, uthamini huo hulenga  Mizania, kuhamisha miliki, fidia,  makadirio ya kodi ya ardhi na majengo,  uhamisho wa miliki na kujua thamani ya soko.

Hifadhi ya milima ya Rubeho