WASIMAMIZI WAKUU NA WASIMAMIZI WASAIDIZI WA VITUO VYA KUPIGIA KURA WAMETAKIWA KUZINGATIA SHERIA,KANUNI.

Posted on: September 26th, 2025

Hayo yamebainishwa  leo  Oktoba 26 ,2025 na Msimamizi Msaidizi wa Jimbo la Mpwapwa wakati wa ufunguzi wa mafunzo ya wasimamizi wakuu na wasimamizi wa saidizi wa vituo vya kupigia kura wa vituo 304  vya Mpwapwa yatakayowawezesha kusimamia uchaguzi mkuu kwa Utii na weledi  unaotarajiwa kufanyika tarehe 29 oktoba 2025.

Akifungua mafunzo mara baada ya kiapo cha utii Ndugu Underson Mwamengo  ambae ni Msimamizi Msaidizi wa Uchaguzi Jimbo la Mpwapwa amewataka washiriki wa mafunzo  hayo kuhakikisha wanazingatia sheria, kanuni na miongozo inayotolewa na tume huru ya taifa ya uchaguzi.

"Jambo kubwa ambalo ninawasisitiza washiriki wa mafunzo haya ni kuzingatia sheria taratibu kanuni na miongozo ili uchaguzi uweze kufanyika kwa amani na utulivu", amesema Ndugu Mwamengo

Sambamba na hilo Ndugu Mwamengo amewataka wasimamizi hao kujiepusha  kuwa vyanzo vya malalamiko au vurugu wakati wa mchakato wa uchaguzi, kufanya kazi kwa ushirikiano, kufika mapema kabla ya muda wa kufungua kituo kwa ajili ya maandalizi, kuwa nadhifu na kutumia lugha nzuri pamoja na kutoa kipaumbele kwa wapiga kura wenye mahitaji maalum pindi watakapofika kituoni.

Jimbo la Mpwapwa lina jumla ya vituo 304 na Jimbo la  kibakwe lina jumla ya vituo  328 vya kupigia kura katika kata 33.

"KURA YAKO HAKI YAKO JITOKEZE KUPIGA KURA"