WALIMU MSINGI WAPATATIWA MAFUNZO YA UBORESHAJI, UFUNDISHAJI NA UJIFUNZAJI WA KKK NA ENGLISH LANGUAGE.

Posted on: November 15th, 2025

Nendeni mkawasimamie watoto wetu wanaotarajia kufanya mtihan wa darasa la pili.

Hayo yamebainishwa leo Novemba 15,2025 katika Ukumbi wa Chuo cha Afya na Mkurugenzi Mtendaji wa Halmashauri ya Wilaya ya Mpwapwa Bi Mwanahamisi H.Ally alipokuwa akifungua mafunzo ya siku mbili kwa Walimu wa Msingi kutoka Shule Mbali mbali  za Mpwapwa.

Akizungumza wakati wa ufunguzi wa mafunzo hayo, Mkurugenzi Mtendaji amesema huu ni mpango wa mwanzo wa kufanya  mtihani wa Taifa wa darasa la pili,ni matumaini yangu kwamba sote tutaweza kufuatilia kwa makini na kupata mbinu mbalimbali ambazo zitatumika katika kuwatahini wanafunzi  wetu.

"Ni jambo jipya ambalo tunapaswa kulielewa ndio maana tuna wakufunzi hapa ambao wamekwenda kupikwa kwa siku sita,wamepata mafunzo haya na leo wanayafikisha kwenu,ni matumaini yangu kwamba sisi wote tutaeeza kufuatilia kwa makini"Amesema Mkurugenzi"

Kwa upandea wake Mwalim Mbate Almasi ameeleza kuwa,mafunzo waliyopatiwa ni yauboreshaji wa  kada ya elimu kwa darasa la awali,la kwanza pamoja na la pili.

Lengo kuu  la mafunzo hayo ni  kutambua matumizi ya kiunzi cha upimaji cha Kitaifa,ikiwa na maana ya muongozo wa namna gani yakuweza kuwatahini wanafunzi wa darasa la  la pili katika  mahiri zao tatu ambazo ni Kusoma Kuandika na Kuhesabu.

Vilevile ameelezea matumizi ya zana ambazo zinatumika kwa mwalim katika upimaji wake,kama vile muongozo wa Kitaifa wa upimaji wa Standi za Kkk darasa la pili,saa na  vielenzo.

Hata hivyo,wameweza kujifunza miongozo ya kusahihisha stadi zote tatu na namna ya kupakua na kupakia  vielenzo pamoja na mitihani kutoka kwenye mfumo,pia namna ya kutahini kwa wanafunzi wa kawaida na wenye mahitaji maalum

Nae, Mkurugenzi Mtendaji amewapongeza Walimu wote wa Msingi pamoja na viongozi wake kaa ujumla  kwa matokeo mazuri ya Darasa la saba na darasa  la nne.