VIONGOZI KUTOKA OFISI YA MAKAMU WA RAIS ZANZIBAR WATEMBELEA MIRADI YA MFUKO WA JIMBO MPWAPWA

Posted on: May 9th, 2025

Viongozi kutoka Ofisi ya Makamu wa Rais wa  Zanzibar wakiongozwa na Naibu katibu Mkuu Ndg Salhina Mwita Ameir wamefanya ziara ya kikazi Mkoani Dodoma wilayani Mpwapwa Mei 2,2025 kwa lengo la kujifunza kwa  namna gani matumizi ya fedha za mfuko wa jimbo zinavyotumika na Kuimarisha Muungano wa Tanzania.

Ndg Ameir amesema lengo kuu la ziara hiyo ni kuja kujifunza namna ya utekelezaji na uratibu wa fedha za mfuko wa kuchochea maendeleo ya Jimbo katika Halmshauri ya Wilaya ya  Mpwapwa na kujengewa uwezo wa uelewa wa utekelezaji na usimamizi  wa fedha za mfuko wa maendeleo Visiwani Zanzibar

Wakati wa ziara yao hiyo wametembelea vituo vya Afya Makutupa na Mlembule na kujifunza mambo  mbali mbali ambayo yameweza kuwajengea uwezo mpya  wajumbe yakiwemo kuwepo kwa Kamati Madhubuti za Ujenzi na mgawanyo wa majukumu kwa kila mwana kamati.

Pia wamepongeza kwa usimamizi mzuri wa miradi hiyo pamoja na kutumia vizuri hela za mfuko wa Jimbo ambazo wanapatiwa majimboni mwao kutoka kwa  Wabunge wao.

Akihitimisha ziara hiyo Ndg Ameir ametoa shukrani zake za dhati kwa Ofisi ya Mkurugenzi na Ofisi ya Mkuu wa Wilaya ya Mpwapwa kwa mapokezi mazuri waliyo yaandaa na kujipanga katika ziara hiyo na kuridhika na miradi waliyoiona inaendana na mahitaji ya jamii husika na kuwasisitiza Wananchi waliopata miradi hiyo kuitunza na kuithamini.