Mkuu wa Mkoa wa Dodoma ataka Halmashauri kubaini Fursa za Uwekezaji

Posted on: November 10th, 2017

"Fuga Kitaalamu, Lima Kitaalamu, Tumia Maarifa"

Ni kauli mbiu iliyotolewa na Mkuu wa  Mkoa wa Dodoma Dr. Mahenge, alipotembelea  Wilaya ya Mpwapwa hivi karibuni.  Pamoja na mambo mengine ameongea na watumishi pamoja na kutembelea taasisi mbalimbali. Mkuu wa Mkoa ametoa wito kwa wadau wa elimu kushirikiana katika kuboresha elimu ili wananchi waelimike na hatimaye wanufaike na ujio wa serikali mkoani Dodoma. Mambo mengine ya Msisitizo ni pamoja na wakulima kujikita katika kilimo bora chenye kuzingatia  kanuni na maarifa ili malighafi kwaajili ya viwanda ziweze kuzalishwa kwa wingi. Amezitaka Halmashauri zilizopo katika Mkoa wa Dodoma kubainisha Fursa za Uwekezaji, kutatua migogoro ya ardhi na kushughulikia kero za wananchi kwa wakati.

Mkuu wa Mkoa wa Dodoma Dr. Mahenge akiwahutubia watumishi wa taasisi mbali mbali Wilayani Mpwapwa katika Ukumbi wa Mkuu wa Wilaya tarehe 10.11.2017