MKURUGENZI MTENDAJI AFANYA ZIARA YA KUKAGUA MIRADI YA KIMAENDELEO

Posted on: January 9th, 2025

Mkurugenzi Mtendaji wa Halmashauri ya Wilaya ya Mpwapwa  Bi Mwanahamisi H Ally akiongozana na wakuu wa idara na vitengo leo Januari 09,2025 amefanya ziara ya kikazi ya  kukagua Miradi ya kimaendeleo inayoendelea kujengwa wilayani Mpwapwa.

Lengo la ziara yake hiyo ni  kuweza kutambua maendeleo ya miradi hiyo na hatua iliyofikia pamoja na kutolea ufumbuzi wa  changamoto mbalimbali zinazojitokeza wakati ujenzi ukiendelea.

Wakati wa ziara yake hiyo amekagua mradi wa Shule mpya  ya Sekondari ya Amali ya Mmbuyuni Kata ya Mpwapwa Mjini ,mradi wa Shule ya Sekondari Kimaghai 'A',ujenzi wa Shule ya Sekondari Sijila iliopo kata ya Pwaga na kumalizia na ukaguzi wa ujenzi wa Shule ya Sekondari Simbachawene katika kijiji cha Kidenge kata ya Luhundwa,ikiwa na thamani ya Shilingi 544,225,626 kutoka SEQUIP  Kwa kila mradi.