Madiwani Waiomba Halmashauri Kuunga Mkono Nguvu za wananchi Katika Kutekeleza Miradi ya Maendeleo

Posted on: May 1st, 2017

Madiwani wa Halmashauri ya Wilaya ya Mpwapwa wameitaka Halmashauri yao kuunga mkono jitihada ambazo wananchi wamekuwa makizifanya katika kutekeleza  Miradi ya Maendeleo  ili kuweza kusogeza huduma karibu kwa Wananchi. Hayo yameafikiwa katika kikao kazi cha Baraza la Madiwani kilichofanyika Tarehe 28.04.2017 kilichofanyika katika Ukumbi wa Mikutano wa Halmashauri.

Akiwasilisha Hoja katika Baraza hilo Mhe Mangile Said Maulid, Diwani wa Kata ya Malolo alisema kuwa wananchi wamekuwa wakihangaika kutembea umbali mrefu katika kutafuta huduma ya matibabu, ni vema kama Halmashauri itaunga Mkono jitihada za wananchi ambao wamekwisha anza kujenga zahanati ambapo ujenzi upo katika hatua ya lenta katika Kata ya Malolo. Hoja hii iliungwa mkono na madiwani wote ambao wameitaka Halmashauri kutoa kipaumbele katika  kumalizia miradi viporo.