Halmashauri ya Wilaya ya Mpwapwa yaandaa Mapendekezo ya Kuanzisha Viwanda 30

Posted on: November 29th, 2017

‘MKOA WETU VIWANDA VYETU’

Menejimenti   ya Wilaya ya Mpwapwa imeandaa mapendekezo ya Mpango unaolenga kutekeleza Mkakati wa kuanzisha Viwanda vidogo na vya kati vipatavyo 30 ifikapo Desemba 2018 ambapo viwanda vinavyolengwa kwa mujibu wa Wizara ya Viwanda ni:

• Vile vyenye uwezo wa kuajiri watu hadi wane (4) na mtaji wake wa kuanzishwa ni chini ya TShs 5,000,000/=
• Aina nyingine ya viwanda ni vile vyenye uwezo wa kuajiri watu 5 hadi 50 na vinaweza kuwa na mtaji hadi TShs 200,000,000/=
• Viwanda vinaweza kuwa vya usindikaji vyakula, uchomeleaji vyuma, ukamuaji mafuta kutokana na mazao, utengenezaji magari, useremala, vyerehani vitano na zaidi, utengenezaji wa bidhaa za ngozi, ufyatuaji matofali kwa mashine, mashine za kusaga na kukoboa na ufungashaji asali

Mpango huo umekwisha wasilishwa katika Kamati ya Huduma za jamii na kuridhiwa na utawasilishwa katika Baraza la Madiwani Mpango ambapo utajadiliwa na kuidhinishwa ili uanza kutumika rasmi. 

Aidha Mpango huo umeandaliwa kufuatia, Serikali kufanya  uzinduzi rasmi wa Mkakati wa uanzishwaji wa viwanda 100 vidogo na vya kati kila Mkoa chini ya Kauli Mbiu ‘MKOA WETU VIWANDA VYETU’ tarehe 09/11/2017 iliyoandaliwa na Ofisi ya Rais Tawala za Mikoa na Serikali za Mitaa (OR TAMISEMI).

PAKUA MPANGO HAPA : MPANGO WA KUFIKIA UCHUMI WA VIWANDA II.pdf