BASIN YATOA MAFUNZO KWA VIONGOZI NA WATAALAM KUKABILIANA NA MAJANGA

Posted on: September 10th, 2025

Mradi wa Behavioural Adaptation for Water Security and INclusion (BASIN)umetoa mafunzo kwa viongozi na wataalam kuhusu taarifa za tahadhari ya mapema ili kuweza kukabiliana na majanga ya hali ya hewa kutokana na mabadiliko ya tabianchi Sepptemba 10,2025 katika Ukumbi wa Mkuu wa Wilaya ya Mpwapwa.

Mkurugenzi kutoka Shahidi wa Maji ameieleza  BASIN  ni  mradi wa kiutafiti unaojaribu kuunganisha,kutathmini,na kutumia maarifa kutoka katika Sayansi ya tabia na saikoloji ili kuimarisha hatua za kukabiliana na mabadiliko ya tabianchi na kuengeza uhakika wa maji uliojumuishi kwa makundi yaliyo hatarini zaid.

Hata hivyo,amesema suala la uhakika wa maji ni suala la kimsingi  la usalama wa Taifa hii ni kwa sababu bila ya maji uhakika wa chakula,pia ili nishati safi ipatikane katika Nchi ni lazima uhakika wa maji uwepo hii ni kwasababu maji  ndio chanzo pekee cha uzalishaji wa umeme.

Halihadhalika amesema Maji ni silaha,ila huathiriwa na vitu tofauti ikiwemo Mabadilko ya tabianchi,tabia za kibinaada zinazopelekea kuharibu vyanzo vya maji.

"Haya maji yanaathiriwa na changamoto tofauti tofouti,changamoto moja wapo ni badiliko ya tabianchi yanaathiri vyanzo vyetu vya maji na tabia za kibinaadam na ndio maana leo tunazungumza habari ya rasilimali maji na mabadiliko ya tabianchi"amesema Bw.Dugange

Nae Meneja huduma za hali ya hewa kwa rasilimali maji Ndg Suleimani Chillo amesema lengo la mradi ni kutoa tahadhari za mapema, na kutoa  taarifa ya hali ya hewa kuweza kutumika sawa sawa kwa wakulima na wafugaji ili waweze kujiandaa na hali ya hewa ya baaadae,hii ni kutokana na matokeo ya tafiti zilizofanyika na kubainika taarifa za hali ya hewa hazifiki kwa wananchi na wala hakuna taarifa mahsusi inayotolewa kutoa tahadhari.
 
Vilevile ameelezea Mamlaka ya hali ya hewa  hutoa taarifa pindi kutakapokuwa na viashiria vya mvua kubwa,ili kuweka tahadhari kwa wananchi kuepukana na madhara ambayo yanaweza kutokea.

Taarifa ya matarajio ya hali mbaya ya hali ya hewa kwa Mpwapwa imewasilishwa ikiambatana na angalizo,uwezekano wa kutokea kwa majanga pamoja na kiwango cha athari zinazoweza kutokea.