AFYA NA UZALENDO HUIMARISHWA NA MCHAKA MCHAKA WA ASUBUHI

Posted on: March 21st, 2024

Wakuu wa Shule za Msingi Mkoa wa Dodoma wametakiwa kuweka utaratibu kwa wanafunzi kukimbia mchaka mchaka asubuhi kabla ya kuana masomo kwanizoezi lina faida  nyingi ikiwemo kuimarisha afya ya akili,ukakamavu pamoja na Uzalendo kupitia nyimbo zinazoimbwa wakati wa zoezi hilo.

Hayo yamebainishwa Marchi 19,2024 na Mkuu wa Mkoa wa Dodoma Mhe.Rosemary Senyamule wakati wa uzinduzi wa juma la wadau wa Elimu Mkoa wa Dodoma hafla iliyofanyika kwenye viwanja vya Shule ya Sekondari Dodoma iliopo Jijini humo.

Kadhalika,Mkuu wa Mkoa ameungumzia umuhimu wa michezo kwani juma hili linaenda sambamba na Bonanza la Michezo mbalimbali kuelekea kilele chake Machi 24,2024.
"Shirikisho la michezo Tanzania TFF limetoa mipira 1,000 ambayo nitaigawa leo kwenye Halmasauri zote za Mkoa wa Dodoma.Tutafatilia kuhakikisha mipira inatumika na sio kuweka kabatini,michezo ni afya kwani asilimia 30 ya wananchi wanakabiliwa na magonjwa  yasiyoambukiza kutokana na kukosa kushiriki michezo."Amesema Mhe.Senyamule