NHIF WATOA MAFUNZO KWA MADIWANI

Posted on: May 8th, 2025

Uongozi wa Afya kutoka Mkoa wa Dodoma umetoa mafunzo kwa Madiwani wa Halmashauri ya Mpwapwa yanayohusiana na Mfuko wa Taifa wa  Bima ya Afya ya NHIF Mei 08,2025 katika ukumbi wa Halmashauri.

Lengo  kubwa la mafunzo hayo ni kuwaletea Wananchi uelewa wa bima ya afya kwa wote na umuhimu wa bima ya Afya katika kuunga juhudi za Serikali ya awamu ya sita na kuhakikisha kila Mwananchi anaweza kupata huduma za afya.

Bima ya Afya kwa wote imeanzishwa chini ya sheria ya Bima ya Afya kwa Wote Na. 23 ya 2023,iliyoanza rasmi tarehe 1/12/2024 ikifuatiwa na kanuni zake zilizotangazwa na gazeti la serikali Na. 70A/2024 zilizoanza kutumika mnamo tarehe 16/08/2024.

Sheria imelenga kuhakikisha kila Mtanzania anapata huduma za afya kwa kuanzisha Mamlaka itakayosimamia na kuratibu shughuli za bima ya afya Tanzania Insurance Regulatory Authority (TIRA) ambapo chini ya TIRA huduma za bima kutoka skimu za bima ya afya zitaweza kuratibiwa kwa utaratibu maalumu utakaowekwa.